Fundargerð 6. fundar Loftslagsráðs

16. janúar 2019

Mætt: Halldór Þorgeirsson, Brynhildur Davíðsdóttir, Pétur Reimarsson, Hrönn Hrafnsdóttir, Sigurður Eyþórsson, Ragnhildur Freysteinsdóttir, Árni Finnsson, Guðfinna Aðalgeirsdóttir og Jóhanna Harpa Árnadóttir. Steingrímur Jónsson sótti fundinn í fjarfundarbúnaði.
Forföll boðaði Sigurður Ingi Friðleifsson.

Anna Sigurveig Ragnarsdóttir starfsmaður ráðsins sat fundinn og ritaði fundargerð.

Fundargerðir og gögn ráðsins

Fundargerðir og birting þeirra á vefsvæði ráðsins.
Unnið er að uppsetningu á vefsvæði ráðsins og verða fundargerðir birtar þar. Fundargerðir fyrstu fjögurra funda verða sendar ráðinu til samþykktar og birtar á vefnum. Drög að fundargerð 5. fundar ráðsins voru send fulltrúum fyrir fundinn. Drögin voru samþykkt án athugasemda.

Vinnusvæði loftslagsráðs á TEAMS
Samþykkt að nota Microsoft Teams sem vinnusvæði til að auðvelda fulltrúum í ráðinu aðgengi að gögnum sem tengjast starfinu og draga úr flæði tölvupósta.

Aðlögunaráætlun

Umfang, eðli, stjórnskipulag og innihald aðlögunaráætlunar.
Framhald var á umræðum loftslagsráðs um aðlögun sem fór fram á 3. og 4 fundi ráðsins.

Ráðið var sammála um að rannsóknar og vöktunarþátturinn er gríðarlega mikilvægur en aðgerðaráætlun þarf að ganga lengra og undirbyggja viðbrögð þjóðfélagsins við loftslagsbreytingum.
Ráðið telur þörf á að taka tíma í uppbyggingu á þekkingu til að auka skilning á hugtökum, vinnubrögðum og aðferðarfræði er tengjast áætlun um aðlögun.

Næstu skref

Loftslagsráð ræðir hugmyndir um hvað væri hægt að gera fram á vorið, þörf á að byggja upp færni m.a. með málþingi, með þeim formerkjum að auka skilning, læra af reynslu annarra þjóða, auka færni og samtal innan samfélagsins.
Unnið verður áfram með hugmyndirnar og stefnt að því að leggja fram tillögu á næsta fundi ráðsins.

Kynning ráðuneytisins á endurskoðun á lögum og reglugerðum er varða loftslagsmál

Lög um loftslagsmál.
Helga Jónsdóttir – lögfræðingur á skrifstofu hafs, vatns og loftslags kynnti stöðuna á endurskoðun á lögum um loftslagsmál.

Regluverk ESB, LULUCF, Effort Sharing, Governance og ETS
Hugi Ólafsson – skrifstofustjóri á sviði hafs, vatns og loftslags kynnti regluverk ESB og stöðuna í samningaviðræðum við Evrópusambandið um sameiginlegt markmið.

Undirbúningur næstu funda

Fundarröð fram á vorið.
Mótun annarra þátta starfsáætlunar Staða verkefna ráðsins rædd. Dagskrárliðir einstakra funda.
Landnýting og binding verði tekin fyrir næsta fundi.
Kolefnishlutleysi verði tekið til umfjöllunar sem fyrst.
Málþing, vinnustofa og etv. fleira tengt aðlögun verði rætt betur á næsta fundi. Drög að starfsáætlun verði sett fram á næsta fundi.

Önnur mál

Álit loftslagsráðs um stjórnsýslu loftslagsmála.

Loftslagsráð afhenti umhverfisráðherra álit um stjórnsýslu loftslagsmála í desember.
Ráðherra er sáttur við þetta fyrsta skref en óskaði eftir því að útfærði greininguna og tillögur frekar í málinu með það að markmiði að skila lokatillögum á vormánuðum.
rúnaði á skjalinu hefur verið aflétt og hægt verður að nýta það til viðræðna við forystufólk í kerfinu sem er grundvöllur frekari vinnu ráðsins hvað varðar stjórnsýslu loftslagsmála.
Ráðherra leggur áherslu að við fjöllum um aðlögunar og kolefnishlutleysi næstu mánuði.
Hvað varðar Loftslagssjóð, er ráðherra sammála tillögum ráðsins um aðkomu Rannís og ráðuneytið stefnir á að hefja viðræður við Rannís fljótlega.

Fundi slitið kl 16.00.