Fundargerð 57. fundar Loftslagsráðs
Yfirlit
2
3

3. nóvember 2022

Fulltrúar sem sátu fundinn: Halldór Þorgeirsson, Brynhildur Davíðsdóttir, Ragnhildur Freysteinsdóttir, Hildur Hauksdóttir, Hrönn Hrafnsdóttir, Hjörleifur Einarsson, Guðmundur Þorbjörnsson, Valur Klemensson, Auður Alfa Ólafsdóttir, Árni Finnsson, Tinna Hallgrímsdóttir, Smári Jónas Lúðvíksson, Hafdís Hanna Ægisdóttir, Ingibjörg Svala Jónsdóttir og Aðalheiður Snæbjarnardóttir.

Gestir fundarins voru undir lið tvö þau Halla Sigrún Sigurðardóttir skrifstofustjóri og Vanda Úlfrún Helsing sérfræðingur, báðar frá loftslagsskrifstofu Umhverfis- orku og loftslagsráðuneytis (URN) og Sigurður Ingi Friðleifsson, sviðsstjóri hjá Orkustofnun. Verðandi framkvæmdastjóri ráðsins, Þórunn Wolfram Pétursdóttir, sat einnig fundinn og ritaði fundargerð.

Fundurinn var haldinn í húsnæði Hafnartorgs við Lækjargötu, kl 14:00-16:15.

Fundargerð síðasta fundar

Fundargerð 56. verður tekin til samþykktar á næsta fundi ráðsins.

Samtal stjórnvalda við atvinnugreinar um aðgerðir og árangur

Gestir fundarins kynntu vinnu sem hafin er að mótun geiraskiptra markmiðum um aðgerðir og árangur í samdrætti í losun og tengsl þeirra við uppfærslu loftslagsmarkmiða stjórnvalda. Þau fóru yfir skipulag og tímalínuna framundan en áætlað er að niðurstöður liggi fyrir í apríl 2023. Verkefnisteyminu, sem Sigurður Ingi Friðleifsson leiðir, er ætlað að vinna í þéttu samstarfi við samtök helstu atvinnugreina á Íslandi, samband íslenskra sveitarfélaga og verkefnastjórn aðgerðaáætlunar í loftslagsmálum. Teymið mun þannig ræða við samtök hverrar atvinnugreinar fyrir sig og styðja við að hver grein skilgreini losun sína og setji fram markmið um samdrátt í losun sem greinin setur sér að ná fyrir 2030. Fram kom að til að ná 55% samdrætti fyrir 2030 miðað við 2005 verðum að draga úr samfélagslosun,  það er losun sem ekki fellur undir ETS kerfið, um 1,3 milljónir tonna. Eftir kynninguna svöruðu gestir spurningum ráðsins. Að lokum fóru fram umræður í ráðinu um kynninguna og mat á stöðunni.

Forgangsmál til áramóta

Rætt var að ráðið þurfi að setja sér forgangsverkefni til að koma í framkvæmd áður en árið er á enda. Ákveðið að taka það til umræðu og samþykktar á næsta fundi.

Nýtt félag og framkvæmdastjóri

Formaður fór yfir að gengið hefur verið frá ráðningarsamningi við framkvæmdastjóra Loftslagsráðs og mun Þórunn Wolfram Pétursdóttir koma til starfa 1. janúar 2023. Þá mun nýstofnað félag um Loftslagsráð hafa tekið við rekstri skrifstofu ráðsins. Ákveðið var að bíða með lokafrágang yfirstandandi stefnumótunarvinnu fram í janúar. Þá mun nýr framkvæmdastjóri taka við drögunum frá ráðgjafafyrirtækinu DECIDEACT og leiða lokáfanga verkefnisins. 

Önnur mál

COP27 (27. aðildarríkjaþing Loftslagssamningsins og 4. aðildarríkjaþing Parísarsamningsins) hefst í Sharm el-Sheikh, Egyptalandi, sunnudaginn 6. nóvember nk. Ráðið mun fara yfir meginniðurstöður COP27 á næsta fundi.Fleira ekki tekið fyrir og fundi slitið kl 16:15

Deila á facebook
Deila á X
Deila á Linkedin

Fréttir

Málþing um stjórnun loftslagsmála og hlutverk loftslagsráða

Umhverfis-, orku- og loftslagsráðuneytið og Loftslagsráð boða til málþings um stjórnun loftslagsmála og hlutverk loftslagsráða. Á málþinginu verður fjallað á fræðilegan hátt um stjórnun loftslagsmála (e. climate governance) og hlutverk...

Breytingar á Loftslagsráði í undirbúningi hjá umhverfis-, orku- og loftslagsráðuneytinu

Í minnisblaði sem Guðlaugur Þór Þórðarson umhverfis-, orku- og loftslagsráðherra kynnti á dögunum fyrir ríkisstjórninni kemur fram að hann hyggst þróa og efla Loftslagsráð svo það geti sinnt lögbundnu...

Uppgjör Loftslagsráðs

Loftslagsráð lýkur senn fjögurra ára skipunartíma sínum. Af því tilefni lagði ráðið mat á þann árangur sem náðst hefur, eða ekki náðst, síðustu fjögur árin í viðureigninni við loftslagsvá hérlendis og gaf út í skjali er nefnist: Uppgjör...

Tölum skýrt og verum hreinskilin til að vita hvar við stöndum

Á Loftslagsráðstefnu Sameinuðu þjóðanna, COP28, í lok þessa árs verður í fyrsta skipti kynnt svokallað stöðumat heimsins, eða global stock take. Stöðumatinu er ætlað að gefa nákvæma mynd af því hvar þjóðir veraldar eru staddar þegar kemur að...

Bráðnun jökla að aukast

Samkvæmt niðurstöðum nýrrar alþjóðlegrar rannsóknar hafa jöklar á Suðurskautslandinu og á Grænlandi bráðnað mun hraðar á undanförnum áratugum en áður var talið. Árleg bráðnun jöklanna hefur sexfaldast frá 1992 og sjö verstu árin hvað varðar...

Hlýnun stefnir yfir 1,5 gráðu mörkin á næstu árum

Fjármálaáætlun fyrir árin 2024-2028 hefur nú verið kynnt. Hún hefur að geyma áætlun um þróun ríkisútgjalda og tekna, og þar eru lagðar á borðið þær áherslur sem einkenna skulu umsvif hin opinbera á komandi árum. Áætlunin er byggð á spálíkönum sem...

Áform um alþjóðlegt vöktunarnet á losun og bindingu GHL

Nýjasta talan yfir magn koltvísýrings í andrúmsloftinu, þegar þetta er skrifað, er 424,32 ppm. Sú tala þýðir að af hverjum milljónum einingum í andrúmsloftinu eru 424,32 koltvísýringur. Talan er fengin frá rannsóknarstöðinni í Mauna Loa í Hawaii,...

Góð dæmi um réttlát umskipti – Ný skýrsla

Með því að gera ráð fyrir þjálfun starfsfólks og að því sé gert kleift að beita nýrri tækni og höndla nýjar áskoranir er hægt að auka líkurnar á því að loftslagsaðgerðir skili árangri til langs tíma. Þessa ályktun má draga af nýrri skýrslu UN...

Binda einhver ríki meira kolefni en þau losa?

Alls hafa 93 lönd í heiminum, samkvæmt Climatewatch, lýst því yfir formlega að þau stefni að kolefnishlutleysi. Ísland er á meðal þeirra tuttugu landa sem hafa bundið slíkt markmið í lög, en Ísland skal verða orðið kolefnishlutlaust samkvæmt lögum...

Hitastig sjávar og loftslagsbreytingar

Meðalyfirborðshiti sjávar á jörðinni hefur aldrei mælst jafnhár og nú í apríl, eða 21,1 gráða. Þar með hefur metið verið slegið frá því í mars 2016, en þá mældist hitinn 21 gráða. Mælingar undanfarinna áratuga hafa leitt í ljós að hitastig sjávar...