Fundargerð 44. fundar Loftslagsráðs
Yfirlit
2
3

28. október 2021

Mætt: Halldór Þorgeirsson, Brynhildur Davíðsdóttir, Ragnhildur Freysteinsdóttir, Aðalheiður Snæbjarnardóttir, Hildur Hauksdóttir, Hrönn Hrafnsdóttir, Unnsteinn Snorri Snorrason, Sigurður Loftur Thorlacius, Auður Alfa Ólafsdóttir, Árni Finnsson, Guðfinna Th. Aðalgeirsdóttir, Steingrímur Jónsson, Sveinn Margeirsson og Brynhildur Pétursdóttir. 

Gestir fundarins: Gestir fundarins voru Guðmundur Sigbergsson framkvæmdastjóri Loftslagsskrár Íslands og iCert og Gunnar Sveinn Magnússon hjá EY sem jafnframt er stjórnarmaður í Loftslagsskrá. 

Fundurinn var haldinn í Skuggasundi 3 kl. 14-16. Guðný Káradóttir verkefnastjóri skráði fundargerð.

Fundargerð síðasta fundar

Fundargerð 43. fundar var samþykkt.

Stöðuskýrsla aðgerðaáætlunar í loftslagsmálum

Umfjöllun um lið 2 og 3 fór fram samhliða.

Fulltrúar fengu kynningu á stöðuskýrslu aðgerðaáætlunar á síðasta fundi og fór nú fram efnisleg umræða um stöðuskýrsluna. Markmið þessa fundar var að eiga samráð og taka ákvarðanir um hvort og þá hvernig og hvenær Loftslagsráð muni bregðast við skýrslunni.

Fulltrúar kynntu sjónarmið sín og var m.a. vísað til álits sem ráðið sendi frá sér við útkomu aðgerðaáætlunar 2020 og meginatriða sem þar komu fram, varðandi form og framsetningu. Samþykkt að ráðið sendi frá álit sem afgreitt verður frá ráðinu á næsta fundi. Formanni, varaformanni og verkefnastjóra var falið að undirbúa drög að slíku áliti.

Eldsneytisspá 2021-2060

Rætt var um hvort Loftslagsráð tjái sig um þá eldsneytisspá sem kynnt var nýlega. Í áliti Loftslagsráðs um endurskoðaða aðgerðaáætlun 2020 lýsti ráðið áhyggjum af veikleikum í eldsneytisspá frá 2016. Sú eldsneytisspá sem nú hefur verið kynnt felur ekki í sér fullnægjandi úrbætur. Einnig skortir á samþættingu eldsneytisspár við raforkuspá. 

Eftir umræður var niðurstaðan sú að full ástæða væri til þess að ráðið tjái sig opinberlega um stöðuna en skoða þarf betur hvernig og hvenær slíkt útspil yrði til mests gagns. Einnig var samþykkt að hefja undirbúning að málþingi um hvað læra megi af reynslu annarra af gerð orkuspár.

Starfsáætlun Loftslagsráðs 2021-2022

Fyrir fundinum lágu drög að starfsáætlun. Athugasemd kom fram við drögin og var gerð tillaga að breytingu á áætluninni. Verkefnastjóra var falið í samráði við formann að uppfæra hana og tryggja að tillaga um breytingu skili sér í uppfærðri útgáfu. Starfsáætlunin verður síðan birt á vef Loftslagsráðs.

Kynning frá Loftslagsskrá Íslands ehf.

Guðmundur Sigbergsson og Gunnar Sveinn kynntu Loftslagsskrá Íslands og hvernig tilkoma hennar gæti stuðlað að aukinni ábyrgð í kolefnisjöfnun hér á landi. 

Önnur mál

Sagt var frá dagskrá og miðlun Loftslagsráðs í tengslum við COP26 í Glasgow.  

Deila á facebook
Deila á X
Deila á Linkedin

Fréttir

Málþing um stjórnun loftslagsmála og hlutverk loftslagsráða

Umhverfis-, orku- og loftslagsráðuneytið og Loftslagsráð boða til málþings um stjórnun loftslagsmála og hlutverk loftslagsráða. Á málþinginu verður fjallað á fræðilegan hátt um stjórnun loftslagsmála (e. climate governance) og hlutverk...

Breytingar á Loftslagsráði í undirbúningi hjá umhverfis-, orku- og loftslagsráðuneytinu

Í minnisblaði sem Guðlaugur Þór Þórðarson umhverfis-, orku- og loftslagsráðherra kynnti á dögunum fyrir ríkisstjórninni kemur fram að hann hyggst þróa og efla Loftslagsráð svo það geti sinnt lögbundnu...

Uppgjör Loftslagsráðs

Loftslagsráð lýkur senn fjögurra ára skipunartíma sínum. Af því tilefni lagði ráðið mat á þann árangur sem náðst hefur, eða ekki náðst, síðustu fjögur árin í viðureigninni við loftslagsvá hérlendis og gaf út í skjali er nefnist: Uppgjör...

Tölum skýrt og verum hreinskilin til að vita hvar við stöndum

Á Loftslagsráðstefnu Sameinuðu þjóðanna, COP28, í lok þessa árs verður í fyrsta skipti kynnt svokallað stöðumat heimsins, eða global stock take. Stöðumatinu er ætlað að gefa nákvæma mynd af því hvar þjóðir veraldar eru staddar þegar kemur að...

Bráðnun jökla að aukast

Samkvæmt niðurstöðum nýrrar alþjóðlegrar rannsóknar hafa jöklar á Suðurskautslandinu og á Grænlandi bráðnað mun hraðar á undanförnum áratugum en áður var talið. Árleg bráðnun jöklanna hefur sexfaldast frá 1992 og sjö verstu árin hvað varðar...

Hlýnun stefnir yfir 1,5 gráðu mörkin á næstu árum

Fjármálaáætlun fyrir árin 2024-2028 hefur nú verið kynnt. Hún hefur að geyma áætlun um þróun ríkisútgjalda og tekna, og þar eru lagðar á borðið þær áherslur sem einkenna skulu umsvif hin opinbera á komandi árum. Áætlunin er byggð á spálíkönum sem...

Áform um alþjóðlegt vöktunarnet á losun og bindingu GHL

Nýjasta talan yfir magn koltvísýrings í andrúmsloftinu, þegar þetta er skrifað, er 424,32 ppm. Sú tala þýðir að af hverjum milljónum einingum í andrúmsloftinu eru 424,32 koltvísýringur. Talan er fengin frá rannsóknarstöðinni í Mauna Loa í Hawaii,...

Góð dæmi um réttlát umskipti – Ný skýrsla

Með því að gera ráð fyrir þjálfun starfsfólks og að því sé gert kleift að beita nýrri tækni og höndla nýjar áskoranir er hægt að auka líkurnar á því að loftslagsaðgerðir skili árangri til langs tíma. Þessa ályktun má draga af nýrri skýrslu UN...

Binda einhver ríki meira kolefni en þau losa?

Alls hafa 93 lönd í heiminum, samkvæmt Climatewatch, lýst því yfir formlega að þau stefni að kolefnishlutleysi. Ísland er á meðal þeirra tuttugu landa sem hafa bundið slíkt markmið í lög, en Ísland skal verða orðið kolefnishlutlaust samkvæmt lögum...

Hitastig sjávar og loftslagsbreytingar

Meðalyfirborðshiti sjávar á jörðinni hefur aldrei mælst jafnhár og nú í apríl, eða 21,1 gráða. Þar með hefur metið verið slegið frá því í mars 2016, en þá mældist hitinn 21 gráða. Mælingar undanfarinna áratuga hafa leitt í ljós að hitastig sjávar...