12. júní 2025

Fulltrúar sem sátu fundinn: Halldór Þorgeirsson, Brynhildur Davíðsdóttir, Auður Alfa Jónsdóttir, Bjarni Már Magnússon, Bjarni Diðrik Sigurðsson, Halldór Björnsson, Helga Ögmundardóttir, Þorgerður María Þorbjarnardóttir.

Fundurinn var haldinn í Grósku, kl. 12:50-15:10.
Anna Sigurveig Ragnarsdóttir, framkvæmdastjóri skráði fundargerð.

Fundargerð seinasta fundar

Fundargerð 84. fundar, sem haldinn var 22. maí var tekin til samþykktar.

Ályktun Loftslagsráðs

Á seinasta fundi var ráðið samtaka um að nauðsynlegt væri að brýna skilaboð um stöðu aðgerðaáætlunar og samdrátt í losun. Jafnframt var rætt um aðlögun að loftslagsbreytingum og hvernig mætti efla vísindalegan grunn ákvarðanatöku og takast á við þau þekkingargöt sem Vísindanefndin dró fram í skilabréfi sínu til ráðherra 3. janúar 2024 og rakin voru í minnisblaði fráfarandi formanns nefndarinnar til ráðsins.

Fyrir fundinn voru lögð fram drög að áliti þar sem skerpt er á þeim atriðum sem nefnd eru hér að ofan. Álitið var tekið til umræðu og samþykkt af fundarmönnum með lítilsháttar breytingum sem samþykktar voru á fundinum.

Verkefni ráðsins næstu mánuði

Rætt var um stöðuna á helstu viðfangsefnum Loftslagsráðs næstu mánuði; verkefni um endurheimt votlendis, tölur um losun gróðurhúsalofttegunda, nýtt landsframlag Íslands gagnvart Parísarsamningnum og umsögn ráðsins um lög um loftslagsmál.

Önnur mál

Rætt var um starfið næsta haust. Breytingar á lögum um loftslagsmál munu hafa áhrif á starfsemi ráðsins sem nauðsynlegt er að taka mið af í upphafi vetrar.