Umfjöllunarefni

Loftslagsráð hefur lagt mat á stöðuna í loftslagsmálum í kjölfar COP27 til að upplýsa og auka meðvitun hér á landi um mikilvægi alþjóðlegrar samstillingar og samstarfs. Einnig er vikið að stöðu Íslands í þessu samhengi.

Helstu ábendingar

• Samþykkt um stofnun alþjóðlegs loftslagshamfarasjóðs er fagnaðarefni, en útfærslan er óljós.

• Mikilvægt er að markmiðið um að halda hnattrænni hlýnun innan 1,5°C sé enn virt, en aukinn þrýstingur á að gefa þá markalínu eftir er áhyggjuefni.

• Kröfur um að draga hratt úr notkun olíu og gass en ekki bara kola, líkt og samþykkt var á COP26 í Glasgow, hafa aukist til muna. Fyrirstaðan er þó enn öflug.

• Vísbendingar eru um að veldisvöxtur í notkun hreinna orkugjafa sé að hefjast, sem veitir von.

• Sérstök ástæða er til að fagna ályktun um að ungt fólk skuli í auknum mæli haft með í ráðum.

• Íslensk stjórnvöld verða að taka sig á, eigi Ísland að ná settum loftslagsmarkmiðum.