Halldór er formaður Loftslagsráðs, skipaður af ráðherra án tilnefningar. Hann hefur áratuga reynslu af stefnumörkun í loftslagsmálum, bæði sem skrifstofustjóri í Stjórnarráðinu og sem yfirmaður stefnumörkunar hjá Loftslagssamningi Sameinuðu þjóðanna þar sem hann hélt utan um samninga um Parísarsamninginn. Áður var hann brautryðjandi í rannsóknum á kolefnisbúskap íslenskra skógarvistkerfa.

Brynhildur er varaformaður Loftslagsráðs, skipuð af ráðherra án tilnefningar. Brynhildur er prófessor í Umhverfis- og auðlindafræði við HÍ.

Anna Sigurveig er framkvæmdastjóri Loftslagsráðs og stýrir skrifstofu þess. Hún hefur starfað við loftslagsmál um árabil m.a. hjá Umhverfisstofnun og umhverfis-, orku- og loftslagsráðuneytinu þar sem hún m.a. hélt utan um aðgerðaáætlun í loftslagsmálum og var fulltrúi í samninganefnd Íslands g.v. loftslagssamningi Sameinuðu þjóðanna. Síðastliðinn vetur dvaldi hún sem Policy Leader Fellow við European University Institute í Flórens.

Halldór er skipaður af ráðherra án tilnefningar. Halldór er fagstjóri veðurs og loftslags. Hann hefur stundað rannsóknir á sviði veðurfræði, veðurfarsfræði, hafffræði, hafísfræði og loftslagskerfisfræði. Halldór hefur í þrígang stýrt vísindanefnd um loftslagsbreytingar og tekur þátt í starfi IPCC.

Helga er tilnefnd af Samtökum atvinnulífsins. Helga er sviðsstjóri samfélagssviðs EFLU og er efna- og umhverfisverkfræðingur að mennt. Hún hefur áratuga reynslu af ráðgjöf á sviði umhverfis- og loftslagsmála fyrir fyritæki, sveitarfélög og aðra opinbera aðila. Helga hefur verið brautryðjandi hérlendis á sviði útreikninga á kolefnisspori fyrir vörur og þjónustu.

Stefán er tilnefndur af Sambandi Íslenskra Sveitarfélaga. Stefán starfar sem fagstjóri hjá Matís á sviði Lífmassa og Mælinga þar sem hann hefur starfað við rannsóknir í matvælaiðnaði í um áratug.

Auður Alfa Ólafsdóttir er tilnefnd af heildarsamtökum launþega. Auður Alfa starfar sem sérfræðingur í umhverfismálum og réttlátum umskiptum hjá Alþýðusambandi Íslands. Hún leiðir stefnumótun sambandsins í málaflokknum og greiningar sem snúa m.a. að áhrifum loftslagsbreytinga og loftslagsaðgerða á vinnumarkað, velferð og lífskjör og hvernig samræma megi loftslagsaðgerðir og markmið um afkomuöryggi og góð lífskjör.

Bjarni er tilnefndur af samstarfsnefnd háskólastigsins. Bjarni er prófessor og deildarforseti við lagadeild Háskólans á Bifröst. Hann hefur einkum stundað rannsóknir á sviði hafréttar.

Bjarni Diðrik er tilnefndur af samstarfsnefnd háskólastigsins. Bjarni Diðrik er prófessor og deildarforseti við Náttúru- og skógadeild Landbúnaðarháskóla Íslands. Hann hefur einkum stundað rannsóknir á áhrifum loftslagsbreytinga og breyttrar landnýtingar á náttúruleg og ræktuð þurrlendisvistkerfi Íslands og annarra norðurslóða. Hann hefur í þrígang átt sæti í Vísindanefnd um loftslagsbreytingar.

Þorgerður er tilnefnd af náttúruverndarsamtökum og er jafnframt formaður Landverndar. Hún er jarðfræðingur að mennt ásamt því að hafa lokið við meistaragráðu í leiðtogafræðum tengdum náttúruvernd frá Háskólanum í Cambridge.

Helga er varamaður í Loftslagsráði, tilnefnd af samstarfsnefnd háskólastigsins. Hún er umhverfismannfræðingur og stundar rannsóknir á því sviði. Dósent í mannfræði við Háskóla Íslands. Sat í vísindanefnd um loftslagsbreytingar á Íslandi sem skilaði skýrslu 2023.

Ingibjörg Svala er varamaður í Loftslagsráði, tillnefnd af samstarfsnefnd háskólastigsins. Hún er prófessor í vistfræði vð Háskóla Íslands og hefur rannsakað áhrif loftslagsbreytinga og landnýtingar á gróður, vistkerfi og líffræðilega fjölbreytni með áherslu á norðurslóðir í yfir 30 ár.